1.sæti

Haraldur Þór Jónsson

Ég býð mig fram sem oddvitaefni Samvinnulistans og sækist eftir því að starfa sem sveitastjóri að kosningum loknum.  

​

Það eru mikil forréttindi að geta búið og stundað vinnu í sveit.  Ég vill horfa til framtíðar og vinna að því að nýta þau tækifæri sem eru í sveitinni okkar til að efla atvinnu og búsetuskilyrði.  Ég tel að með ábyrgri stjórnun og skýra stefnu eigum við að geta eflt sveitarfélagið og bætt þjónustu. 

Ég á auðvelt með að vinna með fólki og tel mig geta náð miklum árangri í að bæta samfélagið sem við búum í.  Ég tel að sú reynsla sem ég hef muni nýtast vel við stjórnun sveitarfélagsins og hef ég mikinn eldmóð til að takast á við verkefnin sem framundan eru og bæta okkar góðu sveit.

​

Ég er 45 ára, fæddur og uppalinn í Reykjavík.  Gekk í Hólabrekkuskóla og fór þaðan á íþróttabraut í Fjölbrautaskólanum í Breiðholti. Ég var snemma kominn út í eigin rekstur og hef í dag tæplega 25 ára reynslu af fyrirtækjarekstri.  Síðustu tvö ár hef ég bætt við mig í námi. Ég útskrifaðist af verk- og raunvísindadeild Keilis og stunda núna nám í Byggingafræði í Háskólanum í Reykjavík samhliða vinnunni.   

​

Við hjónin keyptum jörðina Hraunvelli haustið 2014 og fluttum hingað í sveitina rétt fyrir jólin það ár.  Við þekktum engan í sveitarfélaginu en fengum ótrúlega góðar móttökur og hér höfum við eignast marga góða vini.  Við fórum strax í að byggja upp okkar eigin rekstur á Hraunvöllum og opnuðum gistingu fyrir ferðamenn sumarið 2017.  Fyrirtæki okkar hjónanna fékk fyrirmyndafyrirtækis viðurkenningu árið 2020 og höfum við byggt upp stöndugt og vel rekið fyrirtæki.  Ég hef á síðustu árum komið að fjölda verklegra framkvæmda í sveitarfélaginu okkar, bæði veituframkvæmdum og  byggingaframkvæmdum og hef því mikla reynslu á því sviði. 

​

Ég gekk í Oddfellow regluna árið 2007 og er í dag í stúku nr. 28 Atla á Selfossi.  Einnig er ég í Lionsklúbbnum Dynk.

​

​

​

​

​

​

​

​

​

​

​

​

​

​

​

​

​

​

​